Мегваер: Аморим е целосна спротивност на Тен Хаг

Манчестер Јунајтед го има Њукасл како следен предизвик во Премиер лигата, а поранешниот капитен Хари Мегваер го најавил дербито со интересна изјава поврзана со актуелниот менаџер и неговиот претходник.

Искусниот дефанзивец направил споредба меѓу Рубен Аморим и Ерик тен Хаг, потенцирајќи дека стилот на игра кој го форсира Португалецот е многу поразличен од тој на Холанѓанецот.

– Секоја промена не менаџер носи ист проблем во однос на стилот на игра, посебно што двајца менаџери никогаш не форсираат сличен стил.

– Аморим е целосна спротивност во однос на она што го сака и што го бара од фудбалерите, па затоа и транзицискиот период ќе биде тежок.

– Тој знае што е потребно да го врати клубот во вистинска насока, досега направи се што беше потребно, – истакнал Мегваер.