Меѓу нив ќе се бира: Четири имиња се во игра за нов тренер на Јунајтед

Манчестер Јунајтед поради лошите резултати реши да се откаже од легендата на клубот Оле Гунар Солскјер и на негово место како привремено решение до крајот на сезоната го ангажираше Ралф Рангник.

Со оглед на што деновите на Германецот се изброени, а времето оди премиерлигашот мора да почне да се фокусира на тоа кој ќе биде новиот менаџер, човекот кој ќе почне да го води составот од натпреварувачката 2022/2023.

Според извори на „Атлетик“ тренерот на Јунајтед ќе бара меѓу двајца шпански, еден аргентиннски и холандски стратег, поточно меѓу Луис Енрике, Хулен Лопетеги, Ерик Тен Хаг и Маурисио Покетино.

Сите овие стручњаци во моментов имаат ангажмани, Енрике е селектор на Шпанија, Лопетеги ја води Севилја, Тен Хаг е главен во Ајакс, додека Покетино е број еден во ПСЖ.

Останува да видиме на кого ќе падне изборот, односно ќе прифати да седне на жешкото столче во клубот кој никако не успева да се стабилизира, да има квалитетни резултати како дома така и во Европа по заминувањето на легендарниот сер Алекс Фергусон.