Медведев со урнебесен говор ги изнасмеа сите присутни по поразот во финалето (Видео)

Данил Медведев беше во серија од 19 победи на четири различни турнири на кои настапи, но сепак не успеа да стигне и до четвртиот трофеј во низа.

Причина за тоа е страшното издание кое го имаше Карлос Алкарас во финалето на Индијан Велс, каде Русинот едноставно немаше решение за играта на младиот шпански тенисер.

Русинот го призна поразот и им се извини на тениските фанови кои не уживаа во спектакл каков што се очекуваше, но како и обично, Данил издоминира при завршниот говор на церемонијата и не остави никого рамнодушен.

Во текот на турнирот, Медведев имаше низа бесни изливи поради бавната подлога која е поставена на Индијан Велс, па не штедеше погрни зборови за централниот терен во калифорниската пустина.

Ова го натера Данил да го промени тонот по поразот во финалето (6:3 и 6:2), а со интересниот говор ги изнасмеа сите присутни на теренот и трибината, вклучувајќи го и Алкарас.

– Никогаш не сум го кажал ова, но имав навистина токсичен однос со теренот. Имаше многу љубов и омраза, затоа сакам да му се заблагодарам на теренот. Играв само на овој терен и сакам да му се заблагодарам. Му донесов тешки моменти, ми врати исто така. Го свиткав зглобот, имав повреда на палецот, но ми даде шанса да го завршам турнирот. Му благодарам на теренот, сигурно ќе се вратам тука, – изјави Медведев.

"I have a pretty toxic relationship with this court"

Never change, @DaniilMedwed 😂 ❤️#TennisParadise pic.twitter.com/icTrQp5j16

— Tennis TV (@TennisTV) March 20, 2023