Медведев: Синер е на ниво на големата четворка

Јаник Синер го реши и Данил Медведев и со перфектни три од три обезбеди место во полуфиналето на АТП завршниот турнир во Торино.

Италијанецот потврди дека е на други ново и со рутински 6-3 и 6-4 се справи со Русинот кој има само пофални зборови за првиот светски рекет.

-Речиси да не губи оваа година. Ако сакате да ја освоите титулата, порано или подоцна треба да се соочите со него. Не е лесно да го победиш. Многу тенисери пробаа, малкумина успеаја. Само еден тип тоа го прави почесто од другите-Карлос Алкарас.

-Ме изненади во Саудиска Арабија. Не знаев дека има такво ниво во него. Тој е еден од најдобрите тенисери против кои сум играл. Јас играв против големата четворка (Надал, Федерер, Ѓоковиќ, Мари) кога беа малку постари и можеби нивната брзина не беше иста. Тој игра многу добро, полн со самодоверба. Го гледав неговиот тренинг пред мечот, речиси никогаш не промашува, а удира многу силно. Има многу играчи кои не грешат, но не удираат толку силно. Тој е еден од тројцата, четворицата, петте играчи на АТП турот, а не промашува. Затоа е многу тешко да се игра против него. Постојано ве држи под притисок.

-Мора да издржите и не успеав сега, промашив во важни моменти. Ќе се обидам следната година да го победам. Можеби во одреден момент ќе ја изгуби самодовербата и ќе почне да губи. Ако не е така, сите нас не очекуваат тешки години, не само мене, бидејќи тој е многу младм -рече Данил кој во еден момент водеше со 6-0 во меѓусебните дуели со Јаник за да сега губи со 8-7.