Медведев пред финалето со Надал: Сигурен сум дека Ѓоковиќ ќе не гледа

Данил Медведев ја надимина кризата на крајот од вториот сет и жестоката расправија која ја имаше со главниот судија, па сега со мислите е насочен кон големото финале на Австралија Опен во кое противник ќе му биде добро познат ривал.

Медведев загуби од Рафаел Надал во своето прво грен слем финале кое го играше во 2019-та година, а сега во четвртото кое ќе го игра во својата кариера, ќе ја брка првата титула на Австралија Опен.

– Загубив од Рафа во моето прво грен слем финале и интересно е тоа што сега потворно против мене ќе имам играч кој брка 21-ва грен слем титула.

– Уверен сум дека Новак Ѓоковиќ ќе го гледа финалето кое ќе го играме за два дена. Претпоставувам дека Рафа го гледал финалето кое го иравме на Ју-Ес Опен, но не можам да знам за кого навивал. Подготвен сум за тоа што следи, Рафа е извонреден играч и ќе мора да одиграм најдобро што знам.

– Нема да размислувам за Новак пред и за време на мечот, можеби кога ќе заврши. Ќе мислам малку на него и на Федерер бидејќи тројцата се вмешани во ова, – изјави Медведев по победата од 3:1 над Циципас.

Интересно, епилогот од финалето нуди две сценарија за светскиот рекет број еден, а во дадениот случај и двете не се баш поволни за него. Во случај на победа на Медведев, Данил ќе избие на првото место на АТП листата, а доколку победи Надал, Шпанецот ќе се одлепи на вечната листа и ќе има една грен слем титула повеќе од Србинот и Рожер Федерер.