Медведев остана без половина од очекуваната заработка на грен-слемот во Мелбурн

Данил Медведев имаше разочарувачки настап на годинешното издание на Аустралијан Опен и го заврши настапот уште во второто коло.

Русинот одигра само два меча во Мелбурн, но и тоа беше доволно да заработи солидни парични казни како последица на однесувањето на теренот.

По првата рунда Медведев го искрши рекетот удирајќи во мрежата, но и камерата која се наоѓа поставена на самата мрежа, за што организаторот му додели казна од 10.000 долари.

Во второто коло, во кое Русинот беше шокиран од младиот Тиен, Медведев добил казна од 66.000 долари поради однесувањето на теренот, но и поради фактот што не се појавил на задолжителната прес-конференција по мечот.

Ако се знае дека вкупната заработка од турнирот за Медведев изнесува 124.000 долари, тоа значи дека Русинот нема да добие повеќе од половина пари кои му следуваат за пласманот во второто коло.