Поврзете се со нас

Италија

Медиумите од Парма со интересна вест: Пандев си отворил сериозна дилема пред крајот на сезоната

Објавено

на

Горан Пандев реши да направи изненадувачки трансфер на крајот од јануарскиот преоден рок, односно реши да не ја заврши сезоната со саканата Џенова и направи премин во Парма.

Легендарниот македонски фудбалер тогаш најави дека последните месеци во кариерата ќе ги мине во тимот во кој е и легендарниот Џанлуиџи Буфон, но со оглед на разочарувачкиот краток престој кој го имаше поради повреди, Италијанците денеска излегоа со една интересна најава.

Имено, последните неколку дена се јавила сериозна дилема кај Пандев, кој одново го активирал прашањето кое се чинеше дека е затворено на почетокот на 2022-ра година.

Непосакуваните повреди, 11 одиграни натпревари за Парма и еден гол и асистенција разбудиле сомнеж кај Пандев околу конечната одлука, која првично гласеше дека ќе ги закачи копачките на клин по крајот на оваа сезона.

Новинарот Антонио Боелис од „Пармаспорт“ вели дека овој учинок го натерал Пандев да подразмисли за одложување на пензијата, па сега сериозна опција е да остане фудбалски активен уште една сезона. Официјален одговор на оваа тема се очекува од Пандев во наредните неколку дена, или наредните неколку недели, бидејќи по крајот на сезоната, договорот со Парма му истекува и Гоче ќе има улога на слободен агент.

Реклама
Реклама
Реклама

Популарни