Мечот меѓу Џенова и Јувентус ќе се игра зад затворени врати

Утрешниот меч од Серија А меѓу Џенова и Јувентус закажан за терминот од 18 часот ќе се игра без присуство на публика.

Домашниот тим е казнет поради проблемите, немирите, инцидентите што се случија пред и по натпреаврот со градскиот ривал Сампдорија во Купот на Италија.

Доста луѓе беа повредени, уапсени, па сега дојде казната според која Џенова ќе мора да го пречека Јувентус зад затворени врати и воедно нејзините навивачи добија забрана за присуство на трите наредни гостински мечеви против Аталанта, Лацио и Парма.

Истата санкција се однесува и за второлигашот Сампдорија за кого настапува нашиот Никола Секулов.

Сампдорија ќе биде без публика против Јуве Стабија, плус ќе ја нема поддршката на гостинските средби со Модена, Чезена и Читадела.