Мбапе со прва изјава по првиот трофеј како играч на Реал, не исклучува сезона како онаа на својот идол Кристијано

Кристијано Роналдо редовно даваше повеќе од 50 гола по сезона како играч на Реал Мадрид, а Килијан Мбапе не исклучува повторување на такво сценарио уште по првиот натпревар како член на „кралскиот клуб“.

Мбапе со големо задоволство вели дека ги следи стапките на својот идол Роналдо и целта му е да се претвори во главен голгетер на Реал, па ако се суди според стартот, на Килијан навистина добро ќе му оди во најтрофејниот клуб во Европа.

Французинот вечерва постигна гол против Аталанта на дебито за Реал, па покрај тоа што се погрижи за незаборавни емоции, го освои и првиот трофеј како лидер во нападот на „кралевите“.

– Ова беше голема ноќ за мене, го чекав овој момент навистина долго. Долго чекав да заиграм со овој дрес, за овој грб и за оваа публика. Ова е незаборавен момент за мене, а уште подобро е што освоивме трофеј. Реал Мадрид секогаш оди на победа и секогаш освојува трофеи. Многу сум среќен за победата и постигнатиот гол. Погодоците се важни за напаѓачите, така е и за мене. Сепак, најважно е тоа што можев да заиграм за овој клуб.

– Ова е голем исчекор за мене, во иднина ќе бидеме само подобри. Дали можам да постигнам 50 гола? Ова е Реал Мадрид, дојдов во Реал Мадрид и тука не постојат граници. Ако постигнам 50 гола, тогаш нека бидат 50. Најважно е да победуваме и да се подобриме како тим. Ако играме вака, многу често ќе победуваме, – изјави Мбапе.