Мбапе со посебна пофалба за еден соиграч: Не знам како се опишува овој потег….. (Видео)

Килијан Мбапе го дочека својот ѕвезден момент во шпанската Ла Лига и конечно проработе во четвртото коло, откако со два гола беше заслужен за победа на Реал Мадрид против Бетис.

„Кралевите“ повторно не брилјираа и имаа потешкотии да го скршат бедемот пред голот на гостите од Андалузија, но во такви услови, како клучна се покажа добрата завршницата на Мбапе, но и вонсериското додавање на Феде Валверде.

Уругваецот измисли додавање со пета и успеа генијално да го проигра Мбапе, кој потоа со лева нога го постигна првиот гол во дресот на Реал на „Сантијаго Бернабеу“.

Во продолжение, Французинот беше прецизен и од белата точка, па со двата гола стави крај на постот од три меча без постигнат гол.

– Ова е голем момент за мене, чекав да постигнам гол на овој стадион, на најдобриот стадион во светот. Најважна е победата, после ремито со Лас Палмас беше важно да победиме. Ние сме Реал Мадрид и не ме чудеа и свирежите кои ги добивме на мечот со Валјадолид. Првиот гол беше клучен. Акцијата ја почна Брахим, Родриго одложи за Валверде, а овој направи потег за кој не знам и како се вика. Не знам да опишам како го направи тоа.

– Јас бев на вистинско место, очекував топката да дојде до мене и постигнав гол. Потребни ни се вакви победи, уште сме во месец август и треба да останеме сплотени во вакви моменти. Се чувствувам добро, од првиот ден тука се чувствувам извонредно. Луѓето ми покажуват многу љубов и сега вратив за тоа. Три меча без гол се малку за друг играч, но за мене тоа е многу. Знам во кој клуб дојдов и знам какви се очекувањата од мене. Фановите ми даваат поддршка и давам се од себе за нив и за овој дрес, – изјави Мбапе.

Видеото од голот погледнете го ТУКА