Мбапе со мајсторски потег до јубилеен гол и место во елитно друштво во ЛШ (Видео)

Реал Мадрид успеа прв да дојде до погодок на дербито со Аталанта во Лигата на шампионите, а дополнително добра вест за гостите е тоа што реализатор беше Килијан Мбапе.

Французинот со одличен потег си обезбеди простор за удар и успеа да го совлада Карнесеки, па Реал уште од 10. минута поведе со 0:1 на теренот во Бергамо.

Покрај тоа што испорача погодок за својот тим во важен момент, Мбапе стигна и до својот јубилеен, 50-ти гол во Лигата на шампионите.

50 Champions League goals for Kylian Mbappé 👏#UCL pic.twitter.com/3Gk6tnfxv1

— UEFA Champions League (@ChampionsLeague) December 10, 2024

Французинот обезбеди ваков голгетерски ефект на само 79 одиграни натпревари и стана вториот најмлад фудбалер (25 години и 356 дена) кој стигнал до оваа бројка во историјата на ЛШ. Пред него е само Лионел Меси, кој ја заокружи педесетката на 24 години и 284 дена.

Првото полувреме сепак не заврши на најдобар начин за Мбапе, бидејќи Французинот се пожали на повреда и беше повлечен од игра во 36. минута од средбата.