Мбапе си „играше со оган“, судијата го помилува и не му покажа црвен картон (Видео)

Килијан Мбапе постигна гол за дефинитивна победа на Реал Мадрид на гостувањето во Каталонија кај Џирона, но пред да погоди за 0:3, на стартот на вториот дел направи и глупост која за негова среќа мина без најголема казна.

Французинот беше опоменат и доби жолт картон од судијата Хил Мансано, но потоа си „играше со оган“ и лесно можеше да добие исклучување при една контра.

Мбапе намерно ја удри топката со рака и си даде предност самиот на себе, па иако Мансано дозволи акцијата да заврши, многу лесно го заборави овој инцидент.

Килијан јасно си играше со црвен картон и можеше да го остави тимот на цедило при резултат 0:1, но во дадениот случај имаше среќа што беше помилуван од судијата.

Во продолжение, Реал постигна уште два гола за потврда на победата од 0:3, па фановите на Реал брзо ќе го заборават ова невнимание на големата суперѕвезда.

Видеото погледнете го ТУКА