Мбапе: Роналдо е мој идол, но…

Килијан Мбапе ги постигна првите голови за Реал Мадрид во Примера и тоа во пресметката со Бетис која заврши со триумф на фаворитот од 2-0.

Французинот двапати реализираше во вториот дел и со тоа донесе три бода за „кралевите“ на „Сантијаго Бернабеу“, бодови кои беа повеќе од потребни по реми средбите со Мајорка и Лас Палмас.

Се очекува сега на Мбапе да му биде уште полесно, да тргне во налет, а многумина веруваат дека тој може да биде играчот кој ќе има има бројките на Кристијано Роналдо во Реал. Навивачите дефинитивно очекуваат вакво сценарио, меѓутоа на Килијан не му се допаѓаат споредбите иако има максимална почит кон Португалецот.

-Не чувствувам притисок. Не размислувам за Кристијано, со сета почит кон него. Кристијано е мој идол, да. Ама не сакам да го копирам. Не го сакам тој притисок. Сакам да бидам Килијан. Имам само притисок да морам да се прилагодам на тимот, -порача Мбапе.