Мбапе повторно не реализираше пенал, Реал падна на „Сан Мамес“ (ВИДЕО)

Екипата на Реал Мадрид го претрпе вториот сезонски пораз во шпанската Примера и тоа на гостувањето во Баскија кај Атлетик Билбао.

Актуелниот шампион падна на „Сан Мамес“ и тоа во меч кој заврши со резултат 2-1 со три гола постигнати во второто полувреме. Се тргна од 53 минута кога Беренгер стрелаше за големо задоволство на сите домашни фанови.

Гостите добија шанса да се вратат во игра во 68 минута, но Мбапе не реализираше од 11 метри или поточно ова за Французинот беше втор промашен пенал во последните три натпревари. Реал сепак во 78 минута дојде до израмнување со голот на Белингам, но веќе во 80 Валверде направи една несвојствена грешка за него и му овозможи на Гурузета одново да го матира Куртоа и со тоа воедно донесе три бода за Билбао. (ТУКА можете да ги погледнете сите голови)

Сега Реал е на минус четири од лидерот Барселона, но има и натпревар помалку оној со Валенсија на „Месталја“. Баскијците со 29 поени се на четвртата позиција во Ла Лига.