Мбапе по израмнувањето на ефектот на Роналдо: Голема чест за мене

Килијан Мбапе вчера постигна два гола и му помогна на Реал Мадрид да го совлада Леганес, а индивидуалниот ефект на Французинот значи и негово израмнување во една категорија со Кристијано Роналдо.

Мбапе стигна до бројката од 33 голови во сите натпреварувања во првата сезона во дресот на Реал Мадрид, ефект кој и клупската легенда Роналдо го имаше во сезоната 2009/10.

– Ова е специјален момент.

– Најважни се работите кои ги постигнуваш заедно со тимот, но да постигнеш ист број голови како Кристијано секогаш е добра работа. Знаеме што претставува Роналдо за овој клуб, но и за мене лично.

– Секогаш разговарам со него, ми дава совети, но останува мојот став дека во овој клуб најважни се трофеите, а не головите, – рекол Мбапе.

Французинот фактички се израмни со Роналдо, но и Руд ван Нистелрој, а за апсолутен рекорд ќе треба да го престигне Иван Заморано кој е на врвот со 37 голови во дебитантската сезона.