Мбапе: Ова не значи дека сум поголем од Роналдо

Реал Мадрид издвојува важна победа над Вилјареал (2-1) во меч во кој во фокусот беше напаѓачот Килијан Мбапе.

Францускиот голгетер беше автор на двата гола за „кралевите“ со кои му овозможи пресврт на својот тим и освојување на трите бода на табелата кои донесоа и прва позиција во Примера.

Со ова Килијан дојде до бројката од 31 погодок во сите конкуренции со што зад себе остави легенда како Бразилецот Роналдо кој во сезоната 1997/98 реализираше 30 пати за великанот од Мадрид.

Мбапе е блиску и до Кристијано Роналдо (33), ама тој не се гледа како поголем играч од двајцата.

-Тие се легенди кои дефинираа ера. Тоа е важно, но се е до бројки. Ако постигнам повеќе голови од Роналдо и Кристијано, тоа не значи дека сум поголем, тоа само значи дека мојата прва сезона оди подобро. Важно е да помогнеме и да освојуваме титули. Давањето голови е важно, но уште повеќе ако ја освоиме Ла Лига, Лигата на шампионите и Копа Дел Реј, -порача ѕвездата на „лос бланкос“.