Мбапе: Ова е Реал Мадрид, овде нема граници…

Килијан Мбапе се запиша во листата на стрелците на дебито за Реал Мадрид и тоа во пресметката со Аталанта во рамките на Супер Купот на УЕФА.

Французинот беше стартер на соочувањето во Варшава и стрелаше во вториот дел за потврда на победата и нов трофеј на шпанскиот великан.

Ова дефинитивно е идеален старт на Мбапе, па веднаш се поставуваат нови цели, да биде првиот играч на Реал по Кристијано Роналдо кој постигнаг 50+ гола во сезона.

-Ние сме во Реал Мадрид, немаме ограничување, ако можам да постигнам 50, тогаш 50, но најважно е да победуваме и да се подобруваме како тим, бидејќи ќе победиме како тим, -истакна Килијан.

-Беше одлична ноќ, долго го чекав овој момент. Да играм со овој дрес, со овој грб, за овие навивачи, тоа е подарок за мене. И ние освоивме трофеј, тоа е многу важно, знаеме дека тука секогаш треба да победуваме и јас сум многу среќен, -порача напаѓачот.