Мбапе објасни зошто Меси ја заслужи „Златната топка“: Халанд имаше одлична сезона, исто и јас, но…

Лионел Меси по осми пат во неговата кариера ја освои најпрестижната индивидуална награда во светот на фудбалот „Златната топка“.

Меѓутоа како и секогаш кога се доделува ова признание така и сега имаше прашања, дискусии за тоа дали Аргентинецот заслужено ја доби титулата, односно дали неговата сезона беше подобра од онаа на Ерлинг Халанд со Манчестер Сити.

Во најтесниот круг беше и Килијан Мбапе кој се огласи и јасно, директно посочи зошто „Златната топка“ заслужено му припаднала на капитенот на аргентинската репрезентација и актуелен член на Интер Мајами.

-Како што реков, јас не сум некој што се плаши. Немам проблем, пласманот е таков. Меси тоа го заслужува. Кога Меси ќе го освои Светското првенство, Меси треба да ја освои и Златната топка. Тој е еден од најдобрите играчи во историјата, ако не и најдобар.

-Халанд имаше одлична сезона, јас исто така… но покрај освојувањето на Светско првенство, тоа не тежи многу. Ноќта на 18 декември знаев дека го загубив Светското првенство… исто така и Златната топка. Лео тоа го заслужи, -порача Французинот.