Лига на шампиони
Мбапе обелодени каква конверзација имал со Меси пред двата пенали во Париз
ПСЖ со пресврт успеа да стигне до посакувана победа против Ред Бул Лајпциг и продолжи со одличниот учинок во Лигата на шампионите, иако мора да се признае дека „светците“ се мачеа повеќе од очекуваното против германскиот бундеслигаш.
Лионел Меси постигна два гола во второто полувреме и го комплетираше пресвртот, но во овој дел од играта, домаќинот од Париз доби и два пенали, за кои видовме и два различни изведувачи.
Најпрво Меси со елегантна „паненка“ го измами противничкиот голман и погоди за 3:2, додека во судиското надополнување, Мбапе беше вториот изведувач на најстрогата казна, но Французинот беше непрецизен и со сета сила ја шутна топката над голот.
Интересно, Килијан требаше да биде изведувач и за првиот пенал кој го реализираше Меси, но Мбапе реши да му ја додели најстрогата казна на својот нов соиграч.
– Зошто му го доделив пеналот на Меси? Така прават вистинските соиграчи. Меси е најдобриот играч во светот и сметав дека е негов ред. Тоа беше меѓусебен договор по кратка конверзација на теренот.
Иако можеше да стигне и до прв хет-трик во дресот на ПСЖ, вториот пенал на крајот го изведе Мбапе, а не Меси.
– На крајот, тој ме остави да го изведам вториот пенал. За жал промашив и не го реализирав. Вистинска привилегија е да се игра со Меси, ќе биде сосема заслужено ако ја освои „Златната топка“, – изјави Мбапе за „Радио Монте Карло“.
-
Италијапред 23 часа
Лотито: Тудор ги одби Рома и Наполи пред да го избере Лацио
-
Шпанијапред 23 часа
Жоао Феликс: Навивачите на Атлетико не знаат што се случи…
-
Шпанијапред 3 часа
Две ѕвезди на Реал „уловени“ во отворена дебата: Халанд е подобар од Мбапе (Видео)
-
Балканпред 22 часа
Инфантино го осуди насилството по мечот Трабзонспор-Фенербахче
-
АТПпред 15 часа
Медведев со невкусен коментар за тенисот како спорт: Ракети одат во вселената, а ние…… (Видео)
-
Англијапред 18 часа
Уште еден премиерлигашки клуб заврши со казна и одземени бодови, битката за опстанок станува „пеколна“ (Фото)
-
Шпанијапред 21 час
Левандовски посочи што се крие зад подобрите изданија на Барселона: Во последните недели…
-
Францијапред 22 часа
Мбапе со еден збор го опиша хет-трикот во јубилејниот меч за ПСЖ (ФОТО)