„Мбапе“ камерата улови лоша реакција на Французинот при реализацијата на Мајорка (Видео)

Килијан Мбапе немаше посакувано деби во Ла Лига откако неговиот Реал Мадрид одигра само 1:1 на гостувањето кај Мајорка, а фановите на ривалските тимови со задоволство го дочекаа неубедливиот старт на шампионот.

Во центарот на вниманието беше токму Французинот, кој дојде во Реал како големо засилување и очекувано фановите внимателно следеа што ќе направи новата ѕвезда на „кралскиот клуб“, при што „ЕСПН“ реши да воведе и специјална „Мбапе камера“.

Оние кои во детали решиле да се ангажираат околу настапот на Мбапе сега го споделуваат видеото од таа камера, на кое се гледа ситуацијата во која Ведад Муричи го постигнува голот за Мајорка и фактички обезбедува бод за својата екипа.

Мбапе е блиску Муричи и неговата реакција изнуди многу коментари, во кои најчесто заклучокот е дека токму Французинот не реагирал добро дефанзивно и му дозволил на корпулентниот противник да го постигне голот.

PTDR elle est géniale cette caméra fixée tout le match sur Mbappé.

Grâce à elle on a pu voir que c’est lui qui est fautif sur la marquage de Muriqi. pic.twitter.com/o4PekWx49f

— Charel Mafoua (@CharelMafoua) August 18, 2024