Мбапе избран за најголемо разочарување, ѕвездите на Барселона доминираат меѓу најдобрите во Ла Лига

Пристигнувањето на Килијан Мбапе во Реал Мадрид беше најзначаен трансфер направен последното лето во Ла Лига, но Французинот досега не ги исполнува очекувањата на фановите.

Тоа стана јасно и по изборот на „Ел Чирингито“ за најголемите разочарувања и најдобрите фудбалери во Ла Лига во досегашниот тек од сезоната.

Популарната емисија го истакна токму Мбапе како разочарување број еден, а зад него се нашле уште двајца фудбалери кои играат во Мадрид.

На второто место е Александер Сорлот од Атлетико Мадрид, додека трето најголемо разочарување е Орелијан Чуамени од Реал, кој сезонава игра во многу послаба форма.

Во изборот за најдобрите играчи досега, водечкото трио е од Барселона и е предводено од Ламин Јамал. На второто место е Рафиња, а веднаш зад него се наоѓа Роберт Левандовски.

Ханси Флик очекувано е број еден меѓу тренерите и тоа пред Марселињо, а откритие број еден сезонава досега е Марк Касадо.