Мбапе го прекина „молкот“, Реал ги освои бодовите против Бетис (Видео)

Килијан Мбапе чекаше долго, но на крајот постигна два гола со кои неговиот нов клуб Реал Мадрид славеше над Бетис со 2:0 во натпревар од шпанската Ла Лига.

Домаќините беа фаворити, но Бетис често знаеше да се најде во опасни позиции пред голот на Куртоа, а на првиот гол се чекаше до 67. минута.

Валверде испрати феноменална асистенција до Мбапе, кој избегна офсајд и на крајот успеа да погоди по 25 нереализирани удари во шпанското првенство.

Неколку минути подоцна Винисиус избори пенал кој беше потврден со проверка на ситуацијата од главниот судија на ВАР мониторот, а Мбапе рутински реализираше за конечни 2:0.

Реал ја прекина серијата од два натпревара без победа и останува на четири бодови заостанување зад лидерот Барселона.

KYLIAN MBAPPE GOAL!

FEDE VALVERDE WHAT AN ASSIST! 🤯 pic.twitter.com/PZ9gxzF3BK

— TC (@totalcristiano) September 1, 2024