Поврзете се со нас

Франција

Мбапе: Донесов одлука за мојата иднина!

Објавено

на

Foto:twitter.com/KMbappe

Килијан Мбапе на гала вечерта на францускиот фудбал по трет пат во низа беше избран за најдобар фудбалер во Лига 1, што доволно говори за неговата доминација во домашното првенство.

Францускиот репрезентативец го украде шоуто и при својот говор, бидејќи на присутните им откри дека донел одлука за својата иднина, која дополнително ќе ја соопшти во наредните неколку дена, а не на церемонијата која смета дека не е вистинско место за тоа.

– Не можам да кажам ништо за мојата иднина тука пред сите, но ќе дознаете многу брзо. Практично се е одлучено. Ова не е најдобро место за да кажам каде ќе бидам наредната сезона. Пред три години погрешив и од ова место зборував за мојата иднина. Не сакам да ја ставам церемонијата во втор план и не барам внимание. Многу брзо ќе дознаете во наредните неколку дена, одлуката е донесена, речиси се е завршено, – изјави Мбапе.

Килијан со 25 гола и 17 асистенции беше на врвот на листата како фаворит за доделување на МВП признанието, па во изборот заврши пред Терие од Рен и Димитри Паје од Марсеј.

– Најдобар играч во Лига 1 трета сезона по ред. Неизмерна гордост што уште еднаш се пишува историја. Ова признание ми го загрева срцето. И секако, благодарност до целиот клуб и на навивачите за укажаната доверба оваа сезона, – порача Мбапе на Твитер.

Реклама
Реклама
Реклама

Популарни