Мбапе беше гледан од својот идол на „Бернабеу“: Ако тој се смее, јас сум најсреќен (Видео)

Големите фудбалски ѕвезди од минатото не пропуштаат да следат натпревари како оној меѓу Реал Мадрид и Манчестер Сити, па така вчера имаше и многу ВИП фаци во свечената ложа на „Сантијаго Бернабеу“.

Присутните можеа да гледаат фудбалски мастерклас на Килијан Мбапе кој испорача три гола во мрежата на Манчестер Сити, а интересно беше тоа што Французинот се покажа во најдобро светло пред својот идол.

Зинедин Зидан беше на трибините и во неколку наврати се најде во центарот на вниманието, а неговата насмевка по еден од погодоците на Килијан стана вирален хит.

Оваа сцена ја коментираше и напаѓачот на Реал, кој за присутните новинари порача дека нема подобро чувство од тоа да се задоволи својот идол.

– Зидан ми беше идол, не само поради тоа што е Французин, туку и поради фактот што играше за Реал Мадрид. Тој претстава многу важни работи за фудбалот, ако Зизу се смее за мојата игра, јас сум најсреќниот човек во светот, – изјави Мбапе.

Zidane’s reaction to Mbappé’s goal. 😂🤍

pic.twitter.com/1kfxbJcpHO

— TC (@totalcristiano) February 19, 2025