Маунт со провокација до Крос откако Германецот даде изјава без респект пред реваншот со Челси

Фудбалерот на Челси, Мејсон Маунт ја искористи приликата и големата победа над Реал Мадрид и упати провокација до искусниот фудбалер на „кралевите“, Тони Крос.

За ваквата провокација виновен е самиот Крос кој пред натпреварот со Челси истакна дека ниту еден фудбалер на „сините“ не го доведол до тоа да не може ноќе да спие и да размислува за натпреварот кој следи.

– 15 години сум во фудбалот и никогаш не сум имал проблем со спиењето поради некои играчи. Тие во Мадрид покажаа дека играат како тим, имаат германски стратег и тоа не ме изненадува. Се бранат добро и брзи се во напад, тоа се нивните силни страни, -изјави Крос пред натпреварот, а Маунт ова го сфати како провокација, па реши да возврати на истата со слична мера.

– Видов дека еденод противничките играчи вели дека немал проблем со спиењето поради некој играч. Сегаможеби нема да спие поради целиот наш тим, -изјави Маунт.