„Матрикс“ во свој стил за ѕвезда на Интер: Сега се уверивме зошто Пеп сакаше да го купи за својот Сити

Марко Матераци не пропушти да го поздрави Златан Ибрахимовиќ во интервјуто кое го одработи за „Газета дело Спорт“, но во своето обраќање, не испушти шанса да испофали и еден важен играч на својот омилен клуб.

Популарниот „Матрикс“ го смета Николо Барела за еден од најдобрите играчи за врска во светот, а изданието кое го имаше Италијанецот против Сити на „Итихад“, само ја потврдило неговата теорија.

Матераци нема никакви дилеми дека Барела е на ниво на еден Родри од Манчестер Сити, па потсети и зошто Пеп Гвардиола силно го посакувал играчот на Интер во својот тим.

– Дали ги видовте перформансите на Николо против Манчестер Сити? Сега ми стана јасно зошто Гвардиола сакаше да го купи за својот Сити.

– Според мене, тој е на нивото на Родри. Имаат поразлична улога на теренот, но квалитетот на игра и знаењето се на исто ниво, – смета „Матрикс“.