Матеус: Жал ми е за Милер, Компани го понижи!

Баерн Минхен многу потешко од очекувањата излезе на крај со Селтик и обезбеди место во осминафиналето на Лигата на шампионите.

Баварците го добија првиот дуел во Глазгов со 2-1, но потоа губеа во Минхен до 94 минута кога Дејвис успеа некако да ја спроведе мрежата на Шмајхел за конечни 1-1 и место во наредната фаза на елитното натпреварување.

Од ова соочување дефинитивно ќе се памети само пласманот во Топ 16, а тренерот Венсан Компани воедно беше критикуван за еден потег, а тоа е внесувањето на Томас Милер во самата завршница. Имено Милер влезе во игра откако Баерн даде гол и мина на теренот 24 секунди и притоа немаше ниту еден допир со топката.

Ова воопшто не му се допадна на легендарниот Лотар Матеус кој испрати критики на адреса на предводникот на баварците за односот кон иконата на Баерн.

-Ова е понижувачко. Ова ме растажи и жал ми е за него. Бев шокиран. Томас Милер не мора да минува низ ова. Тој е еден од најголемите и најуспешните играчи на сите времиња. За тие неколку секунди, тренерот можеше да искористи друг играч. Ако тоа е перспективата за иднината, тогаш треба да направи нешто друго.

-Мислам дека не уживаше. За што? За да му биде запишан уште еден настап во Лигата на шампионите? Ќе се чувствував глупаво да сум на негово место, -истакна Матеус за „Скај Спортс“.