Матеус застана во одбрана на играч на Баерн: Тој и Мусиала не смеат да мрднат од тука

Трансфер шпекулациите поврзани со актуелниот состав на Баерн Минхен го загрижија Лотар Матеус и легендата смета дека еден фудбалер никако не треба да замине од германскиот великан.

Се работи за Јозуа Кимих, германскиот фудбалер за кого веќе долг период се зборува дека е пред разделба со Баерн, но според Матеус ќе биде голема загуба за Баварците.

– За мене Кимих е нераскинлив дел од овој тим на Баерн.

– Никогаш не ги разбрав критиките за него, начинот на кој игра и залагањето на теренот кое го покажува малку ме потсетува на мене.

– Тој е играч кој зборува што мисли и се жртвува за тимот, можете да видите колку му значи што е дел од екипата и каква позитивна енегија носи на теренот. Ако остане здрав, ќе биде капитен на Баерн и германската репрезентација наредните две години. Тој и Мусиала се најважни играчи на Баерн и не смеат да мрднат од тука, – рекол Матеус.