Поврзете се со нас

Германија

Матеус со критики за германскиот селектор: Не го разбирам потегот на Флик

Објавено

на

Германската фудбалска репрезентација ќе одигра два пријателски натпревари во мартовските термини резервирани за националните тимови, а селекторот Ханси Флик реши да експериментира со изборот на фудбалери.

Неколку искусни играчи како Милер, Гундоган и Сане не се повикани, додека шанса ќе добијат будндеслигашки фудбалери кои најчесто не им се познати на фудбалската јавност надвор од Германија.

Вистински пример е Јоша Вагноман од Штутгарт, кој сезонава е најчесто на клупата на екипата која се бори за опстанок.

Тоа според Лотар Матеус е контроверзен потег, бидејќи се знае за кого може да има место во националниот тим.

– Флик треба да одговори на прашањето дали неповиканите фудбалери барале одмор, дали им е потребен одмор воопшто?

– Не само што селекторот повика фудбалери кои едвај ги знаеме, туку чудно е што тие најчесто имаат мала минутажа и во своите клубови. Според мене, основно за да бидеш повикан во националниот тим е да играш редовно во клубот.

– Репрезентацијата сепак треба да остане нешто специјално, нешто свето, – вели Матеус.

Германците како домаќини на ЕП нема да играат во квалификациите, а месецов ќе одиграат пријателски средби со Перу и Белгија.

Реклама
Реклама
Реклама

Популарни