Матеус нема дилеми: Баерн сега ќе биде постабилен, во дербито ќе победи…

Баерн Минхен се реши да направи значајна промена во овој период кога немаше клупски натпревари и го назначи Томас Тухел за нов тренер на местото на Јулијан Нагелсман.

Баварците се уште се активни за трите трофеи во актуелнава кампања и затоа беше изненадување отказот на Нагелсман, но управата на клубот пронајде причини кои според нив беа доволно за потег кој носи ризик, потег за кој ќе видиме дали е исправен на крајот на сезоната.

Легендарниот Лотар Матеус со внимание ги испрати сите овие настани и според него Баерн ќе биде постабилен под водство на Тухел.

-Претпоставувам дека тимот под водство на Тухел ќе биде постабилен и дека нема да има толку многу флуктуации во перформансите. Многу натпревари под Нагелсман не беа во стилот на Баерн, флуктуациите беа премногу големи. Имаше премногу проблеми, -истакна Матеус кој верува дека Баерн сигурно ќе ја добие Борусија Дортмунд во дербито на колото.

-Баерн ќе победи затоа што тие се нервозни што ретко е пријатно за противникот. Искуството во мечеви како овој, домашната предност и победничкиот менталитет зборуваат во нивна корист, -рече Лотар за „Кикер“.