Матеус има трансфер предлог за Барселона: Може да го организира средниот ред (ВИДЕО)

Легендарниот германски ас, Лотар Матеус има конкретен трансфер предлог, совет до Ханси Флик и управата на Барселона.

Каталонците почнувајќи од 2025 година би требало да се кренат на финансиски план, да можат да изведат далеку повеќе потези кога е во прашање пазарот, поточно да доведат засилувања со кои тимот би бил на повисоко ниво и конкурентен за сите пехари.

Матеус има предлог за средината на теренот и тоа во името на членот на Штутгарт и актуелен германскии репрезентативец, Анџело Штилер кој има 23 години и веќе во еден период се поврзуваше со шпанскиот великан.

-Штилер би бил добар за Барса поради неговиот стил на игра. Му верувам и ако Барселона продаде играчи, неговиот потпис би бил возможен и разумен. Штилер би можел да стави печат на Барселона и таму да го организира средниот ред, -истакнал Лотар.

Барса на средината на теренот има играчи како Гави, Касадо, Педри…но и Де Јонг за кого постои опција да биде продаден наредната година со оглед на тоа што едноставно не го испорачува она што се очекува на „Камп Ноу“.