Матеус: Баерн не може вака да продолжи, мора да се направи ревизија

Баерн Минхен е на добар пат остане без титула во оваа сезона со оглед на тоа што веќе ги загуби битките во Купот на Германија и Лигата на шампионите, додека во Бундеслигата ќе го отвори последното коло на втората позиција со два бода помалку од лидерот Борусија Дортмунд.

До минатиов викенд се изгледаше дека баварците ќе останат на тронот барам во домашната конкуренција, меѓутоа поразот од РБ Лајпциг на „Алијанц Арена“ и потоа триумфот на Дортмунд над Аугзбург комплетно ја променија ситуацијата и сега избраниците на Томас Тухел немаат ништо во свои раце.

Ќе се почека да заврши кампањата, ама веќе има големи критики за екипата, раководството, а меѓу оние кои најгласно говори е Лотар Матеус.

-Баерн не може вака да продолжи, мора да се направи ревизија и мора да има последици на теренот и надвор од него. Без разлика како се вика и на која позиција игра. Ова не е Баерн. Има премногу грешки во сите сфери. Не само во оваа туку и во претходната.

-Прашањето е дали ова се играчи за Баерн. Не го видов тоа во второто полувреме против Лајпциг. Со недели велев дека играчите мора да покажат кохезија, да се идентификуваат со клубот, -вели славниот Германец.