Мата искрено за својата кариера во Англија, најави и каде планира да продолжи да игра

Искусниот шпански фудбалер, Хуан Мата долго време настапува во англиската Премиер лига, а од 2014 година е дел од Манчестер Јунајтед.

Офанзивниот фудбалер се доближува до својот 250-ти настап за клубот од „Олд Трафорд“, а по тој повод даде и специјално интервју за официјалните канали на клубот.

32 годишниот фудбалер минатата сезона се поврзуваше со заминување од клубот, но во последен момент се одлучи да ја продолжи соработката и да остане најмалку за оваа сезона.

Сега прашањето за неговата иднина повторно останува отворено, а Мата најави дека сака уште долго да игра за клубот од Манчестер.

– Чувствувам како се да помина многу брзо, времето лета. Не знаев дека ќе го играм мојот 250-ти натпревар, но се чувствувам гордо.

– Кога го играте првиот натпревар се чувствувате како да сте на некој нов почеток, тоа е возбудлив момент во вашиот живот затоа што почнувате да играте за овој клуб. Не сакам да запрам тука, сакам да продолжам и да имам уште натпревари во дресот на Манчестер Јунајтед, -изјави Хуан Мата.