Маслинко: Штета што не се пласиравме на ЕП, се надевам…

Македонија не успеа да го добие мечот кој мораше да го добие или поточно Естонија го одбрани својот терен во Талин и со тоа не отпиша за Евробаскетот.

Нашата кошаркарска репрезентација не успеа да одигра квалитетно како што тоа го направи во првото полувреме, поточно одигра лошо на двете страни на теренот и на крајот забележа дури и убедлив пораз од 19 разлика (84:65).

Една од најсветлите точки во нашиот табор беше центарот Андреј Маслинко кој уфрли 15 поени и 7 скока, ама тој заедно со Ненад Димитријевиќ и Ти Џеј Шортс немаа соодветна поддршка од останатите за подобар резултат.

-Започнавме добро, го контролиравме натпреварот во првиот дел, водевме и со еден поен. Второто полувреме беше лошо за нас бидејќи изгубивме со 20 разлика и ги изгубивме сите шанси за пласман на Евробаскет. Штета е што не се пласиравме, но се надевам дека ќе се пласираме на наредниот, -истакна Маслинко по натпреварот.