Маслинко: Секогаш сум тука за Македонија, сакаме две победи!

Македонија ги започна подготовките за дуелите против Естонија и Полска во квалификациите за пласман на Европското првенство.

Ова се натпревари на кои немаме право на грешка, натпревари кои мораме да ги добиеме ако сакаме да имаме шанса да дојдеме до собирот на најдобрите селекции на стариот континент.

Проблематични ни се позициите 4 и 5, центарската линија каде се очекува најголема одговорност да падне врз Андреј Маслинко кој имаше фантастични настапи за МЗТ Скопје во Купот на Македонија, турнир на кој беше прогласен и за МВП, па желбата, целта е да ги повтори тие изданија и во националниот тим.

-Одиме на две победи. Двете репрезентации ни се познати. Со Естонија и во претходниот циклус имавме две средби така што мораме да победиме ако сакаме да играме на Европско првенство. Секако, напаѓачки сега сме доста подобри. Имаме двајца плејмејкери кои можат да играат со топката. Малку сме послаби на центарски позиции, меѓутоа ќе се обидеме да надокнадиме на тоа. Секогаш сум тука за Македонија, -порача Маслинко.