Маслинко донесе драматична победа на Пелистер над Сутјеска (ВИДЕО)

Кошаркарите на Пелистер ја запишаа и втората победа во „балонот“ во Бања Лука кој се игра во рамките на АБА2 лигата.

Македонскиот претставник беше подобар од Сутјеска со 77-75 и тоа во средба во која мораше многу порано да ја затвори со оглед на контролата на играта и резултатот во најголемиот дел од истата. Имено „зелено-белите“ имаа предност од 11 разлика (74-63) на 1:42 до крајот, но му дозволија на ривалот со агресивна игра, притисок да направи серија и на 4 секунди до крајот да израмни на 75-75.

Сепак последниот напад на Пелистер вроди со плод, Маслинко беше фаулиран по што беа реализирани двете слободни за конечно славје на четата на Илиевски.

Карпентер со 25 поени беше најефикасен играч кај составот од Битола, на спротивната страна Томашевиќ беше автор на 22 кошеви.

Пелистер има учинок 6-3, во наредното коло се соочува со Златибор Чајетина.