Маскерано за мајсторијата на Меси: Тој е играч…(ВИДЕО)

Интер Мајами успеа како гостин да издвојува победа над Атланта во МЛС лигата, победа од 2-1 во дуел кој беше одбележан од магијата на Лионел Меси.

Аргентинецот беше стартер и во 20 минута се избори за една топка или поточно ја украде во опасната зона по што посрамоти еден од домашните дефанзивци, па со перфектен лоб го матираше Гузан за 1-1 во тие моменти. Потоа гостите дадоа и втор погодок преку Фафа и со тоа креираа слатка одмазда со оглед на тоа што Атланта беше тимот кој лани им пресуди во плејофот во шампионатот.

Pero que golazo del 🔟😮‍💨 pic.twitter.com/LPyGb6dPZH

— Inter Miami CF (@InterMiamiCF) March 16, 2025

-Па, голот на Лео, тој е најдобриот играч во историјата на овој спорт, нема што повеќе да се каже. Тој е играч кој има способност да го постигне најубавиот гол што можете да го видите, -рече тренерот Хавиер Маскерано и додаде:

-Голот од Фафа очигледно многу не радува за него. Доаѓаме од три тешки недели бидејќи тој беше надвор. Многу сме среќни. Тој дојде да придонесе со своето искуство во оваа лига. Но,тој беше скромен, рабатејќи како тим, знаејќи да ги искористи моментите кога ни треба. Значи, ние сме воодушевени од него, -додаде Маскерано.

Атрактивен гол на ветеранот: Мајсторијата на Меси го најави пресвртот на Интер Мајами (ВИДЕО)