Маскерано соопшти добри вести за Меси: Ако не се случи нешто чудно…

Лионел Меси поради повреда не беше во комбинација за настап за неговата Аргентина во дерби пресметките со Уругвај и Бразил во квалификациите за Светското првенство, натпревари кои и без него „гаучосите“ ги добија и официјално обезбедија место на шампионатот во 2026 година.

Меси во меѓувреме работеше на закрепнувањето и се чини напаѓачот е на добар пат да се врати и игра за Интер Мајами во МЛС лигата.

-Лео е добар, ако даде Бог и ако не се случи ништо чудно, тој ќе биде вклучен во списокот на денот на натпреварот.

-Лео е многу посебен играч во таа смисла, играч кој очигледно понекогаш треба да биде воздржан за да не ризикува, но исто така многу добро го познава своето тело, а реалноста е дека тренира прогресивно се повеќе и повеќе. Тој одработи повеќе тренинзи со нас, а денес, ако даде Бог, ќе го одработи целиот тренинг, -порача тренерот Хавиер Маскерано.

Клубот од Флорида се соочува со Филаделфија.