Маскерано потврди дека Меси се враќа во составот на Интер Мајами

Интер Мајами се подготвува за гостување во Јамајка за натпревар во КОНКАКАФ Купот на шампиони, а тренерот Хавиер Маскерано потврдил дека Лионел Меси ќе патува со соиграчите.

Аргентинската ѕвезда не беше во комбинација на последните три натпревари на МЛС тимот, а како причина беше наведено специфичното менаџирање со минутите на Меси на почетокот на сезоната.

Сега Меси ќе патува за реваншот против екипата на Кавалиер, а Маскерано допрва ќе одлучува колку минути ќе добие на овој дуел.

– Лео е во ростерот и ќе патува со екипата во Јамајка.

– Утре ќе одлучиме што е најдобро за него и натпреварот, дали да биде стартер или да влезе од клупата.

– Денеска тој тренираше со екипата и задоволни сме од неговата форма, – рекол аргентинскиот стручњак.

Интер Мајами победи на првиот натпревар со 2:0.