Машина за давање голови: Халанд со нов хет-трик го „тресна“ и Вест Хем (Видео)

Ерлинг Халанд е вистинска машина за давање голови и тоа го покажа во изминативе две сезони во Премиер лигата, но на идентичен добар начин ја стартува и третата.

Норвежанецот постигна хет-трик на претходниот меч со Ипсвич и претходно запиша еден против Челси, но денеска веќе стигна до бројката од седум постигнати гола на три одиграни меча.

Халанд денеска повторно испорача три гола и го запиша осмиот хет-трик откако е дел од англиската елита, а воедно стигна до бројката од 70 голови на 69-от официјален настап во Премиер лигата.

Овие бројки изгледаа застрашувачки и најдобро говорат каква голгетерска машина е Норвежанецот, кој денеска повторно беше клучен за важна победа против Вест Хем.

Гостувањето во Лондон знае да биде тешко за најголемите тимови во Премиер лигата, но не и за Манчестер Сити кој во своите редови го има Халанд. Ерлинг најпрво погоди по додавање од Бернардо Силва, Вест Хем се врати со автоголот на Диас, но Халанд не застана тука и постигна уште два гола во мрежата на „чеканите“ за конечни 1:3 и трета победа на Сити во новата сезона.

Видеото погледнете го ТУКА