Марушиќ донесе три бода за Лацио на „Виа Дел Маре“(ВИДЕО)

Составот на Лацио ги освои трите посакувани бода на вечерашното гостување кај Лече на „Виа Дел Маре“.

Клубот од Рим посакуваше триумф со кој ќе се рехабилитира по тешкиот пораз од Интер (6-0), цел која ја оствари со славје од 2-1.

Домашниот тим во финишот на првиот дел остана со играч помалку, а Кастелјанос со удар од белата точка донесе почетно водство за лацијалите.

Лече и со десетмина на теренот покажа карактер и дојде до изедначување преку Тете Моренте во 50 минута. Овој резултат беше активен до самата завршница кога „бјанкочелестите“ пронајдоа начин и со голот на Марушиќ во 87 минута ги грабнаа трите бода со кои се на четвртото место на табелата.