Мартинез за победничкиот танц против Франција: Јас сум како дете на теренот…(ВИДЕО)

Аргентина по долго време успеа да се врати на тронот на светскиот фудбал и тоа во Катар каде дојде до третата ѕвездичка откако во големото финале по една драма беше подобра од Франција.

Еден од хероите беше голманот Емилијано Мартинез кој блескаше на тој дуел како низ целиот турнир. Мартинез беше во елемент и успеа во пенал серијата да излезе како победник од француските играчи, а притоа имаше и еден танц со кој стана вистински хит на интернат и социјалните мрежи.

Членот на Астон Вила доби прашање токму за тој потег, а за „Би-Би-Си“ откри дека истиот воопшто не бил планиран.

-Луѓето ме прашуваат: Дали сум го вежбал тој танц? Не. Никогаш во животот не сум танцувал на тој начин како што танцував по тој втор промашен пенал…никогаш во животот. Тоа сум понекогаш. Јас сум дете на теренот. Не гледам што следно ќе се случи, -истакна Мартинез.