Мартинез стави потпис на нов договор со најдобратата репрезентација на светот

Шпанскиот стручњак, Роберто Мартинез ја продолжи соработката со белгиската федерација и ќе го води националниот тим до 2022 година.

Мартинез од 2016 година е на клупата на „црвените ѓаволи“ со кои на СП во Русија го освои третото место. Според стариот договор Роберто требаше да си замине од оваа функција по крајот на ЕП кое првично требаше да одигра оваа година, меѓутоа поради коронавирусот беше одложено за 2021 година.

Сега со новите услови поранешниот тренер на Свонси, Виган и Евертон ќе ги води Азар, Де Брујн, Лукаку и компанија до Светското првенство во Катар.

Да потсетиме Белгија веќе подолго време е број еден на ФИФА ранг листата.