Мартинез со нестварна одбрана режираше чудо во ЛШ, милиметри го оставија Јувентус без победа (Видео)

Емилијано Мартинез втора година по ред го доби признанието за најдобар голман во светот, па иако има многумина кои се противат за ваквиот епитет за Аргентинецот, мора да се признае дека популарниот Дибу брани на екстремно високо ниво.

Постигнатите резултати и брилијантните партии за дресот на Аргентина направија да конкурира највисоко во светскиот поредок, но Еми е извонредно добар и на клупски план.

Мартинез често знае да биде во прв план во тесните победи кои ги остварува Астон Вила, а вечерва беше клучен за ремито кое го оствари тимот од Бирмингем против Јувентус.

Гостите беа блиску до водство во 65-та минута и речиси сите ја видоа топката во голот, но не и Мартинез кој режираше една од одбраните на сезоната во Лигата на шампиони.

Аргентинскиот голман реагираше навреме и милиметри ја спасија Астон Вила во дадената ситуација, а доказ за тоа е и „замрзнатата слика“ од топката на гол линијата.

What a save from Emi Martinez! 😲#BBCFootball #UCL #AVLJUV pic.twitter.com/94nZ4UoHv5

— Match of the Day (@BBCMOTD) November 27, 2024

Одбраната на Дибу погледнете ја ТУКА