Мартинез: Португалија е иста репрезентација со Роналдо…

Португалија излезе како победник од двомечот со Данска и ќе игра на завршницата на Лигата на нации на УЕФА.

Португалците во една драма со гол во 86 минута се изборија за триумф од 3-2, триумф кој им донесе дополнителни 30 минути во кои дадоа уште два гола за конечни 5-2 и пласман во полуфиналето каде за ривал ќе ја имаат Германија.

Ова беше дуел во кој капитенот Кристијано Роналдо не се прослави иако во 72 минута успеа да даде важен гол, но според селекторот Роберто Мартинез играчот на Ал Наср имал иста улога како Гонсало Рамош кој влезе на неговото место и забележа асистенција и погодок во продолженијата.

-Екипата беше иста. Кристијано одигра добар натпревар, Гонсало одигра добар натпревар. Тие се играчи со различни карактеристики и не видов голема разлика, -порача Мартинез.