Мартинез: Азар во Реал ќе ја освои „Златната топка“

Селекторот на белгиската репрезентација, Роберто Мартинез е убеден дека Еден Азар ќе блесне во Реал Мадрид и ќе ја освои „Златната топка“.

Напаѓачот минатото лето од Челси и Лондон се пресели во шпанската престолнина, ама дефинитивно нема по добро да ја памети оваа кампања во која имаше многу проблеми и одигра само 15 натпревари пред истата да се прекине поради коронавирусот.

Сепак Мартинез верува дека ситуацијата ќе се промени и Азар за брзо време, блиска иднина ќе биде оној голем играч како во Челси.

-Секако дека може да ја освои „Златната топка“ со Реал. Понекогаш е потребен тежок почеток во вашиот нов клуб и да дадете сè што можете и да разберете што значи да играте во одличен клуб како Реал Мадрид. Мислам дека навивачите на Реал Мадрид се уверени дека тој ќе донесе многу успеси, -вели Роберто кој го продолжи договорот со Белгија до 2022 година.

Мартинез стави потпис на нов договор со најдобратата репрезентација на светот