Мартин славеше на Мисано и ја разгоре битката во Мото ГП шампионатот

Битката во генералниот пласман во „кралската класа“ полека добива нов заплет, откако Хорхе Мартин победи во Мисано и диреткно влезе во битката за титулата во Мото ГП.

Големата награда на Сан Марино се очекуваше да биде омилена за италијанските возачи, па иако двјца завршија на подиумот, на крајот славеше Мартин кој со своето Дукати јасно достави кандидатура за шампионската титула.

Марко Бецеки беше најблиску до Мартин, но не успеа сериозно да го предизвика на крајот, додека Пеко Бањаја се опорави од лошиот пад и прегазувањето од пред една недела и освои важно трето место.

Лидерот во генералниот пласман сега има 36 бода повеќе од Хорхе Мартин, но предност значително се стопи на последните две трки и сега ќе биде многу понеизвесно на трките кои претстојат.

Херојско издание денеска имаше и повратникот во Мото ГП, Дани Педроса, кој денеска како тест возач на КТМ доби шанса и го освои четвртото место.