Марсијал дефинитивно ќе настапува во грчкото првенство

Антони Марсијал остана без многу опции по крајот на преодниот рок во најквалитетните првенства, па денеска стана јасно дека прифатил понуда од Грција.

Французинот кој до пред некој месец беше член на Манчестер Јунајтед, сега ќе игра во нашето соседство и ќе го носи дресот на атински АЕК.

Клубот денеска се пофали со информацијата и фактот дека ќе го има офанзивниот фудбалер во своите редови, а Марсијал ќе се обиде да ја врати својата препознатлива форма од пред неколку сезони.

Марсијал го напушти Јунајтед откако му истече договорот, а последниот период играше многу малку поради честите проблеми со повреди. Најавите се дека потпишал тригодишен договор со АЕК и ќе заработува по 3 милиони евра по сезона.

Ο μάγος έρχεται!!! 🟡⚫️
Ραντεβού στο αεροδρόμιο!!! ✈️
Arrival: Anthony Martial
Time: 20:40
Location: El. Venizelos airport Meeting point: Exit 7#aekfc #aekfcseason2024_2025 #summertransfers #Martial pic.twitter.com/yls71N3NJP

— AEK F.C. (@AEK_FC_OFFICIAL) September 18, 2024