Марсело откри како тој и соиграчите од Реал се справувале со Меси: Секогаш велевме…

Марсело и Лионел Меси имаа многу битки низ годините со оглед на тоа што играа за Реал Мадрид и Барселона, двата најголеми шпански клуба, двата најголеми ривали.

„Ел Класико“ пресметките се секогаш посебни, носат енергија, тензија, има провокации, моменти за паметење, односно секогаш е тоа еден вистински спектакл. Марсело и Меси беа дел од една специјална ера во која во двата клуба имаше страшни играчи мајстори, а Бразилецот од денешен агол откри како тој и соиграчите се обидувале да се справат со Аргентинецот кој дефинитивно беше најопасниот играч на каталонците.

-Меси не зборуваше за време на натпреварите и се обидов да не разговарам со него бидејќи беше тивок. Секогаш велевме дека треба така да го оставиме, затоа што ако решевме да го опструираме ќе го испровоцираме и потоа ќе се налутеше, а ако се налутеше стануваше се потешко да се справите со него, -истакна Бразилецот кој сега е дел од Флуминенсе.

Лео одигра 45 „Ел Класико“ натпревари во кариерата и постигна 26 голови со што е рекордер во оваа категорија.