Марсеј се разбуди во второто полувреме и дојде до нова гостинска победа во Лига 1 (ВИДЕО)

Олимпик Марсеј ја забележа 13. сезонска победа во 21. натпревар во Лига 1 и тоа на гостувањето кај Анже каде славеше со 2-0.

Избраниците на Де Ѕерби се поинаков тим кога играат надвор од „Велодром“ и потврда за тоа е фактот дека се најдобар тим, тим со најдобар учинок на гостински терен во досегашниот дел од шампионатот.

Ова беше деветтото славје на „страна“ и тоа со два погодоци постигнати во второто полувреме преку Рабио во 69 и Мопе во 74 минута (ТУКА погледнете ги головите)

За Марсеј официјално деби запиша засилувањето од Милан Бенасер. Алжирецот беше стартер и беше активен до 65 миинута кога беше заменет од Кондогбија.

Со 43 бода некогашниот европски првак се наоѓа на второто место на табелата со минус десет во однос на лидерот и бранител на пехарот Пари Сен Жермен.